Қырғызстандағы президенттік сайлаудың алдын-ала нәтижелерін автоматты жәшіктер есептейді. Оларды сайлау және референдум өткізу жөніндегі орталық комиссия жариялайды, деп хабарлайды Stan.kz ақпарат агенттігі. 



Қырғызстанда 20:30-дағы жағдай бойынша 80,4% дауыс өңделді.
2020 жылдың күзінде бірнеше апта бойы Қырғызстан үкіметін басқарған, бірақ президенттік жарысқа қатысу үшін премьер-министр қызметінен кеткен Садыр Жапаров президенттікке басқа үміткерлерден үлкен айырмашылықпен көш бастап тұр. Ол 80,6% дауыс жинады. Оның ең жақын бәсекелесі 6,55% дауыс жинады.
Президент лауазымына барлығы 17 үміткер үміткер болды.
Қырғызстандағы президент сайлауының қорытындылары түпкілікті жарияланған жоқ. Мемлекет басшысы сайлауының ресми қорытындысы дауыстарды қолмен санау толық аяқталғаннан кейін ғана жарияланады.
Президенттік сайлаумен бір уақытта басқару формасы бойынша референдум өтті, ал қырғызстандықтардың көпшілігі (шамамен 81%) президенттік басқару формасын таңдады, сайлаушылардың тағы 10,5%-ы парламенттік басқару формасына дауыс берді.
Қырғызстан заңы бойынша сайлауға келгендердің жартысынан көбінің дауысын алған үміткер президенттік сайлауда жеңіске жетеді. Әйтпесе, екінші тур жарияланады Референдум бойынша сайлаушылардың жалпы санының 30%-дан астамы келуі тиіс.
Садыр Жапаровтың жасы 52-де. Ол 2007-2009 жылдары сол кездегі президентҚұрманбек Бакиевтің кеңесшісі болған. 
2008-2009 жылдары Қырғызстанның сыбайлас жемқорлықтың алдын алу агенттігінің комиссары қызметін атқарды. 
2009-2010 жылдары Қырғызстанның мемлекеттік кадрлық қызметінің сыбайлас жемқорлықтың алдын алу агенттігінің басқарды. Депутат кезінде Жапаров Құмтөр кен орнына байланысты наразылық акциясына партиялықтармен бірген шыққан. Митинг кезінде бірқатар қырғызстандықтар «Ақ үйдің» қоршауынан секіріп өтеді. Соның салдарынан Жапаров 1 жыл 5 айға билікті басып алмақ деген күдікпен сотталады. Кейіннен шетелге көшіп, Кипрде және Ресейде тұрған.
2013 жилы Ыстықкөл облысы Саруу ау ылында Құмтөр кен орнын мемлекеттендіру керек деген талап қойған Қырғызстан азаматтары митингке шығады. Тергеу мәліметтеріне сүйенсек, митингті Садыр Жапаров қаржыландырған. Бұған қоса, ол митингке шыққандарға бұйрық беріп, азаматтарды кепілге алған  деседі. 2017 жылы еліне оралуды ұйғарған Жапаров қазақ-қырғыз шекерасында қолға түсіп, 11 жыл 6 айға бас бостандығынан айырылады. 
2020 жылы 5 қазанда Қырғызстанда өткен парламенттік сайлаудың нәтижесіне байланысты елде тәртіптсіздіктер орын алды. Наразылыққа шыққандар Садыр Жапаровты түрмеден босатып алады.