Бүгін Әзербайжанда Президент сайлауы өтеді
Кезекті президенттік сайлау 2018 жылдың күзінде өтуі тиіс болатын. Алайда, 5 ақпанда Әзербайжан президенті Ильхам Әлиевтың президенттік сайлауды 2018 жылдың 11 сәуіріне ауыстыру туралы өкімі жарияланды.
Осы жылдың екінші жартысында Әзербайжанда жоғары деңгейдегі бірқатар халықаралық іс-шараларды ұйымдастыру жоспарланып отыр. Соның ең бастысы – Әзербайжан демократиялық республикасы құрылғанының 100 жылдығы. Аталған деңгейі жоғары мереке де күзге белгіленген. Осындай ауқымды шараларды негізге алған Мемлекет басшысы кезектен тыс сайлау өткізуді жариялады.
Сайлаушылар президентке үміткер 8 кандидат бойынша сайлау құқықтарын жүзеге асыратын болады.
«Мен Әзербайжандағы сайлауды бірінші рет бақылап отырған жоқпын, сондықтан сайлау жұмыстары жоғары деңгейде ұйымдастырылатынын білемін», – дейді РФ Мемлекеттік думасының депутаты, ТМД бақылау делегациясының басшысы Гаджимед Сафаралиев.
Саулау барысын 900 халықаралық бақылаушы қадағалап отыр. Оның ішінде Қазақстан делегациясы да бар.
