Әзербайжандағы президенттік сайлауда Ильхам Алиев сайлаушылардың 86 пайыз дауысын жинап, алда келеді.

Бұл туралы елдің Орталық сайлау комиссиясы мәлімдеді. Құзыретті органның хабарлауынша, қазірге дейін сайлау бюллетеньдердің 92 пайызы саналған. Оның қорытындысы бойынша дауыс берушілердің 3 миллионнан астамы Алиевті қолдап дауыс берген. Ал одан кейін сайлаушылардың 3 пайыздан астам дауысын жинаған Орудж Захид Магеррам оглу мен Гасангулиев Гудрет Музаффар оглу келеді. Оларға 100 мыңнан астам азамат қолдау көрсеткен.

Айта кетейік, кеше Әзербайжанда кезектен тыс президенттік сайлау өтті. Додаға Илхам Алиевпен бірге 7 үміткер түсті. Егер Ильхам Алиев жеңіске жетсе, 4-рет қатарынан президент болады.