ШАЙЫРМЫН ДЕП...

Шайырмын деп шайпау ойым шала мас,

Бар-жоғына бойда өнердің қарамас.

Киелі өлең, қадіріңе жеттім бе,

Пенделікпен бос мақтансам жарамас.

Ақындардың бар дейді екен ақ құсы,

Не демейді келгендер мін таққысы?

Кеудесінде күйі ойнаған шабыттың,

Ақын үшін ақ құс деген бақ құсы.

Кешірместі жүрер кейде кешіріп,

Құс қайтқанда билемейді есіріп.

Дүниеге ғашық көзбен қарайды,

Мұң мен шерін жүрегіне көшіріп.

Жанарымен құшар сұлу ғаламын,

Сезім деген суалмайтын бар ағын.

Көкірегінде көктем гүлдеп жайқалған,

Жыр тудырар тамсандырар алабын.

...Көңілі мас, өмірі мас ақынның,

Шабытының шайқап ішкен шарабын!