Тәйімбет Көмекбаев атындағы №250 мектеп-лицейінің Өзін-өзі тану кабинетінде "Дін рухани мәдениет" атты тақырыпта сыныптан тыс дөңгелек үстел өткізілді. Қызылорда облыстық Дін мәселелерін зерттеу орталығының КММ Қармақшы ауданы бойынша бөлімше меңгерушісі теолог Сқақов Жалғасбек Ислам діні-мемлекеттік бірлік пен билікті нығайтушы, адамдарды жақындастырумен, бауырмалшылық пен ұйымшылдықты уағыздаушы дін, ислам дінін қадірлеп, сыйлауымыз керек екенін айтып өтті. Оқушыларға ислам дінін кеңінен уағыздап отыруымыз керек.Сол себептен де осындай кездесулер, мешіттің қызметкерлерімен жиі болып тұру керек.Қазіргі таңда кейбір оқушылар ислам дінін жетік біле бермейтіні рас. Сол себептен, оқушыларға жан-жақты түсіндірме жұмыстары жүргізілді.