ИСЛАМ ДІНІНІҢ ТАЗАЛЫҒЫ – ЖАН ТАЗАЛЫҒЫ
ЖОСАЛЫ, 13 қаңтар – qarmaqshy-tany.kz С. Есқараев атындағы №27 орта мектебінің 6-сынып жетекшісі ҚОЖАХМЕТОВА ЛӘЙЛӘ МӘЛІКҚЫЗЫНЫҢ ұйымдастыруымен оқушыларға діни тәрбие бере отырып, адамгершілікке, имандылыққа, рухани тазалықты сақтауға үйрету мақсатында «ИСЛАМ ДІНІНІҢ ТАЗАЛЫҒЫ – ЖАН ТАЗАЛЫҒЫ» тақырыбында ОРАЗ АХУН МЕШІТІНІҢ ИМАМЫ ҒАБИТҰЛЫ НҰРБОЛАТПЕН 6-сынып оқушыларымен кездесу кеші өте жоғары деңгейде өткізілді.
Кездесу барысында мешіт имамы бүгінгі күні қоғамдағы жастар арасындағы өршіп бара жатқан түрлі жағымсыз қылықтар жөнінде айтып, жаман әдеттерден аулақ болуды, және дұрыс бағытпен жүруді, ата-ананы құрметтеуді, ата-бабамыздың ұстанып келе жатқан ислам дінін уағыздап ынтымақ пен бірлікке шақырды. Ислам дінінің адамзатты ынтымаққа, өзара түсіністікке, бір-біріне деген сүйіспеншілікке бастайтындығын, сондай-ақ, бірлік пен бауырмалдыққа шақыратындығы айтып түсіндіріп берді.Шара соңына қарай оқушылар өздерінің көкейлерінде жүрген сауалдарын имамға жолдап, толымды жауаптар алды. Мектеп оқушылары мен ұстаздары бас имамға алдағы уақытта осындай мәні мен мазмұны терең кездесулерді жиі өткізіп тұруын өтінді.
