Жастар арасында құкық бұзушылықты алдын алу

№269 орта мектебінде жастар арасында құкық бұзушылықты алдын алу мақсатында "Жастардың патриоттық, қайырымдылық, мейірімділік сезімі" атты тақырыбында жоғары сынып оқушыларымен дөңгелек үстел өтті. Кездесу барысында оқушылар мен жасөспірімдер арасындағы әлімжеттік, ата-ананы сыйламау, қарттар үйіне өткізу және қыздар арасындағы төбелес секілді қазіргі таңдағы өзекті мәселелер қозғалды. Оқушылар өз ойларымен бөлісіп, келген қонақтар мешіттің найб имамы Мұрат мырзаның, Байқоңыр қаласы жастар ресурстық орталығының жетекшісі Қабатова Индира ханымның және теолог маман Нұрсұлтан мырзаның ақылдарын, пікірлерін тыңдап, ой түйді.