САЛАУАТТЫ ӨМІР - ЖАСТАР ДЕНСАУЛЫҒЫНЫҢ КЕПІЛІ

Жастар арасында салауатты өмір салтын қалыптастыру - қазіргі уақыттағы ең көкейкесті мәселелердің бірі болып отыр. Бұл мәселенің маңыздылығы-қоғамымыздың әлеуметтік жағдайына, экономиканың бүгінгі уақыттағы хал-ахуалына, экологияның нашарлауына, жастардың өз денсаулығына жауапкершіліксіз қарауы себептеріне байланысты да арта түсуде. Осы орайда "Жастар ресурстық орталығы" Байқоңыр қалалық бөлімшесінің ұйымдастыруымен мектеп псиxилогы Ж.Абиева мен медбике Л.Садыкованы тарта отырып жастарды салауатты өмір салтын ұстануға шақыру мақсатында №273 орта мектепте жоғарғы сынып оқушыларының қатысуымен нашақорлық, ішімдік, шылым және суицидтің алдын алу мақсатында "Жастар арасында салауатты өмір салтын қалыптастыру" тақырыбында кездесу өткізілді. Іс-шара барысында сала мамандары тақырыпқа сай толық ақпаратпен бөлісті. Сондай-ақ, "Дін мәселелерін зерттеу орталығының" теолог маманы Н.Күнмырза тақырыпқа байланысты сөз өрбітіп, зиянды әдеттердің салдарын айтып, жастарды барынша ол нәрселерден аулақ болуға шақырды.