Төретам кентіндегі №269 орта мектепте жоғарғы сынып оқушыларының қатысуымен "Жастар еліміздің ертеңі" тақырыбында дөңгелек үстел өткізілді. Іс-шара барысында жастар арасында құқық бұзушылық, ата-анаға деген қайырымсыздық, ер балалар арасындағы әлімжеттік, қыз баланың тәрбиесі сынды өзекті мәселелер қозғалды. "Дін мәселелерін зерттеу орталығының" теолог маманы Н.Күнмырза және Төретам кентіндегі Жәрімбет мешітінің наиб имамы М.Дәуіржанұлы тақырыпқа сай ойларымен бөлісті. Сондай-ақ, "Жастар ресурстық орталығының" маманы И.Қабатова қыз баланың қазақ қоғамындағы орны тақырыбында сөз өрбітті. Іс-шара соңы тақырып аясында еркін пікір алмасумен аяқталды.