"БІЗ ЖАСТАРҒА СЕНЕМІЗ" ТАҚЫРЫБЫНДА ӨТКЕН КЕЗДЕСУ
Бүгін 21 қаңтар 2019 жылы ІІІ Интернационал ауылдық онлайн кітапханасында "Біз жастарға сенеміз!" атты тақырыбында "СЕРПІН-2050" бағдарламасымен білім алып жатқан студенттермен кездесу кеші болып өтті. Кешке студенттер, кітапхана оқырмандары, жоғарғы сынып оқушылары қатысты. Кештің мақсаты: жастардың қоғамға деген азаматтық позициясын қалыптастырып, отансүйгіштікке тəрбиелеу болып табылды. Кітапханада жастарға "Серпін" бағдарламасы туралы толық мағлұмат беріліп осы тақырыпта слайд көрсетілді. Сонымен қатар "Жастар-біздің болашағымыз" тақырыбында ақпарат берілді. Кешке арнайы шақырылған А.Байтұрсынов атындағы Қостанай мемлекеттік университетінде оқып жүрген студент Шөрегеев Нұржан оқушыларға өзінің ойын, пікірін кеңінен айтып өтті.
Кешке қатысқан жоғарғы сынып оқушылары "АШЫҚ МИКРОФОН"-ға ие болып өздерінің толғандырып жүрген сұрақтарын қойып жəне де кештен алған əсерлері туралы пікірлерін білдірді.
