СТУДЕНТ ЖАСТАРМЕН КЕЗДЕСУ
Қуаңдария ауылының №186 орта мектебінде 9-сынып оқушылары мен оның сынып жетекшісі Бахытжан Гүлжанаттың ұйымдастыруымен «Қызық екен студенттік күндер -ай» тақырыбында студенттермен кездесу кеші өткізілді.
Кездесуде болашақ маман иелері, биылғы мектеп бітіруші түлектеріне ҰБТ –ға дайындықтарын күшейтіп ерінбей еңбектену керектігін, алдағы сынақтан сүрінбей өтіп, қалаған оқу орнына грантқа оқуға түсуге өз тілектестігін білдірді.
Сонымен қатар мектептің бітіруші түлектері Басқынбай Айзере, Ибадулла Мадина, Байшуақов Ақділдалар студенттерге өздерінің мамандыққа байланысты көкейлеріндегі сұрақтарын қойып, студент жастардан жауаптар алынды.
Кездесу кешін мектеп директоры Ж. Орданов ертеңгі елдің құрығын қолға ұстап, еліміздің өркениетін өсіретін, түрлі майталман мамандық иелері болуларына деген тілегімен қорытындылады.
Айжан КАНАЛБЕКҚЫЗЫ
