Аудандық "Жас Маман" орталығының семинар-практикумы болып өтті. Аталған шараға "Жас Маман"орталығының жетекшісі Г.Молдабаеваның басшылығымен аудан мектептерінен жас мамандар қатысты.

Мектеп директоры С.Əбікенова семинар жұмысына сəттілік тілей отырып, жұмыстың негізгі мақсаты: жас мамандардың кәсіби тұлғасын қалыптастыру жəне ұрпақ тəрбиесіндегі жаңаша көзқарастарды қалыптастыруда жаңа əдіс - тəсілдерді өз тəжірибелерінде қолдана отырып, өзара тəжірибе алмасу екеніне тоқталып өтті.

Бағдарлама барысында: мектеп педагог-психологы Г.Т.Əбілтаеваның жүргізген "Сəлемдесу" тренингімен басталып, қатысушы жас мамандарды мектебіміздің тəрбие жөніндегі орынбасары К.Нақыпова мектепте тəрбие саласында атқарылып жатқан жұмыстарды таныстырып өтті. Мектептегі сынып жетекшілер бірлестігі мүшелерінің қатысуымен бірнеше жұмыстар жүргізілді. Атап айтсақ: Н.Жолдыбаева "Ел болашағы-ұрпақ тəрбиесінде" коучинг, А.Ермашова "Отбасы-өмір аясы", А.Шонгараева "Отбасы-бақыт мекені" таным сайыс, Г.Бейісова "Ұрпақ тәрбиесі-Ұлт болашағы", С.Сүлейменова "Тəрбие-тал бесіктен" тақырыбында тəрбие сағаттары өткізілді .

Қорытынды кезеңінде "Жас маман " орталығының мүшелері Семинар-практикумның жоғары дəрежеде өткендігін, тың идеяларды көп екендігін жеткізіп, алғыстарын білдірді.