Президент Қазақстан экономикалық бағыты 7 негізге сүйену қажет екенін баса айтты. Онда ол «Экономика халықтың әл-ауқатын жақсартуға жұмыс істеуі тиіс. Ұлттық табыстың өсуінен әлеуметтік лифтіні тиімді қолданып, пайданы тең бөлуге қоғамдық ұсыныстың өсуі оң шешімін табуы тиіс. Сондықтан еліміздің жаңа экономикалық бағыты басты 7 принципке негізделуі тиіс» деген болатын. Қай уақытта да үлкен маңызға ие білім саласы қашанда мемлекеттің бақылауында. Президент Қасым-Жомарт Тоқаевтың Білім күні жолдаған Жолдауы ұстаздар қауымының да көңілінен шықты. Ал әлемді жайлаған вирус кезінде медицина саласына көп күш түскен еді. Дәрігерлер жұмыста айлап қалуға мәжбүр болды. Күндіз-түні жүздеген науқасқа ем-дом жасады. Ал сондай сын сағатта тартынбаған ақ халатты абзал жандардың еңбегін елеген Президент осы жолдауында алғысын білдірді. Президент Қасым-Жомарт Тоқаев «Жаңа жағдайдағы Қазақстан: іс-қимыл кезеңі» атты Жолдауы мемлекеттігімізді нығайту жолындағы ең басты мәселелерге назар аударып, қоғам мен мемлекетімізде стратегиялық бағыттар бойынша қандай өзгертулер жасау керек екенін айқындады. Енді сол мәселелер шешімін табу үшін Жолдауға қолдау білдіру қажет. Әрі бастамалардың оңтайлы жүзеге асуы үшін қоғамның нық қадамы мен жұмыла көтерген бірлігі керек.