Сотқа дейін татуласу

Дау – кез келген қоғамға тән құбылыс десек, сол дау-жанжалды реттеу мәдениетіміз қандай? Бізде дауды тек сот шешеді деген көзқарас бар. Дегенмен, даудың барлығын сотта шешу мүмкін емес. Оның үстіне бірін-бірі танитын адамдар арасындағы жағдайлар да жоқ емес. Осы орайда еліміздің соттарында дауларды сотқа дейін жеткізбей шешу жолы қолға алынған.

Бүгінде сотқа дейін татуласуға байланысты бірнеше жоба іске қосылған. Олардың көмегімен көптеген мәселе сотқа дейінгі кезеңде шешілуде. Бұл азаматтардың, әсіресе ағайын мен ерлі-зайыптылар үшін тиімді болып отыр. Бір ауыз сөзге тоқтаған қазақ халқы үшін де бұл таңсық жол емес.

Елбасының «Болашаққа бағдар: Рухани жаңғыру» бағдарламасының негізгі өзегі – ұлттық сана мен болмысқа қайта оралу. Бүгінгі көтерілген өзара татуласу, ауыл-үйдің әңгімесін сотқа дейін жеткізбеу мәселесі де осы рухани жаңғырудың бір тармағы болса керек. Сондықтан дауласуды болдырмау мақсатында «бір жағадан - бас, бір жеңнен қол шығарып», келеңсіздікпен жаппай күресетін кез келген сияқты.