Науқасқа ем-домнан бөлек психологиялық қолдау қажет. Мұндайда дәрігерлер алдымен олардың көңілін аулап, күдігін сейілтіп, көңілінде дертті жеңетініне сенім ұялатуда. Ол науқастардың ішінде жасы егде кісілер, жүкті аналар, тіпті балалар да кездеседі. Індет ешкімді аяп жатқан жоқ. Қаншама тұлға, қаншама отағасы мен отанасы, жас жеткіншектер індетпен күресте қауқары жетпей, о дүниелік болды. Сондықтан, сақтық шараларын сақтауды жіті түсіну керекпіз. Арақашықтықты сақтау арқылы ем-шараларды дер уақытында қолдануымыз қажет. Әлеуметтік желіде желдей ескен әр-түрлі ақпаратқа сенбеуіміз керек. Біреуі мына емді қабылда десе, соған эксперимент жасауға дайын тұрамыз. Ескерген жөн, дәрігердің нұсқауынсыз ем-домды үй жағдайында жасау – қауіп төнеді. Өкініштісі сол – халық емінің тиімділігі әлі де ғылыми тұрғыда дәлелденбеген. Ардагер-дәрігер ретінде тек ғылыми дәлелдемесі бар медицинаға сенім артуға кеңес беремін.