Жанашырлыққа – жан риза

АДАМ ӨМІРІНДЕГІ ИГІ ІСТІҢ БІРІ – МҰҚТАЖ ЖАНҒА ҚАМҚОРЛЫҚ ЖАСАУ. ҚАЗІРГІ ТӨТЕНШЕ ЖАҒДАЙДА БҰЛ ҚҰПТАРЛЫҚ ІС. СЕБЕБІ КҮНКӨРІСКЕ ҒАНА ТАБЫС ТАУЫП ЖҮРГЕНДЕР КҮНДЕЛІКТІ ТАБЫСЫНАН АЙЫРЫЛДЫ. ОСЫНДАЙ ЕЛ БАСЫНА КҮН ТУҒАН ҚЫСЫЛТАЯҢ УАҚЫТТА ЖҮРЕК ЖЫЛУЫН ҰСЫНЫП, САУАБЫ МОЛ ІСКЕ АТСАЛЫСУ ӘРБІР АДАМНЫҢ ПАРЫЗЫ.

Жақсылықтың жаршысы болып жүрген жандар ауданда да жетерлік. Солардың бірі – Жосалы кенті орталығының 1989 жылғы түлектері. Олар «Жұмыла көтерген жүк жеңіл» дегендей бірлесе отырып, 40 отбасыны азық-түлікпен қамтамасыз етті. Бұл көптеген отбасыны қуанышқа бөлеп, аз да болса қажеттілігін өтеді. Бүгінгідей сын уақытта мұқтаж жанның көңілін жылытып, ізгілік нұрын себу арқылы оларға өздерін қоғамның қымбат бөлігі екенін ұғындырғандай. Адамгершіліктің туын биік ұстап, мейірімділік танытатын осындай абзал жандар – көпке үлгі бола бергей.