» » АБАЙ МҰРАСЫ – ҚАЗАҚТЫҢ ҚАСИЕТТІ ҚАЗЫНАСЫ

АБАЙ МҰРАСЫ – ҚАЗАҚТЫҢ ҚАСИЕТТІ ҚАЗЫНАСЫ

Ұлы Абайдың мұрасы «Рухани жаңғырудың» маңызды бағдарына айналуы қажет. «Рухани жаңғыру» түптеп келгенде, осы міндетті жүрекпен сезініп, ешқандай нұсқаусыз орындау керек екенін біз - Президент Қ.К.Тоқаевтың осы мақаласынан түсінуіміз керек.
Абай сөзі – қазақтың бойтұмары, Абай мұрасы – қазақтың қасиетті қазынасы. Оның ілімі халықтың рухани жаңғыруымен тығыз байланысты, ал даналығы қазіргі заманмен үндес. Президентіміз Қ.К.Тоқаевтың мақаласынан Абай сөзінің бүгінгі заманымыз үшін маңыздылығын, ақын шығармаларынан халқымыз қажетті тағылым алуға тиіс екендігін ұғындық.
Қазақстан Республикасының Президенті Қ.К.Тоқаевтың Абайдың «толық адам» тұжырымын қайта зерделеуіміз керек деген сөзінде үлкен мән жатыр. Руханилық - Абай философиялық идеясының негізгі мәселесі. Ақын философиясындағы руханилық категориясы - адам болудың әмбебап өлшемі және жеке адам мәдениеті ретінде негізделеді. Абайдың өмірге деген көзқарасын танып, рухани мұрасының парқын түсіну арқылы рухани жаңғырудың маңызын түсінесіз.
Осы мақаласы арқылы Президенті жақсылықты, адалдықты ту еткен данышпанның қоғамдағы орнын айқындап, оны оқудың шексіз мәнін ашты. Абай ілімінің негізгі өзегі – адам санасының ізгілікке өзгеруі. Ақын қоғам тәрбиесі жеке тұлға тәрбиесінен бастау алатынын көрсетті. Адал жолмен жүрмей, адам түзелмейді, адам түзелмей, қоғам түзелмейді, қоғам түзелуі үшін әркім жеке-жеке өзін-өзі түзетіп, адалдықтың ақ жолын аңғарып алғаны абзал. Әрбір тұлға ойшылды ойлы көзбен оқи алса, онда ол өзін-өзі тазалайды.
Қазіргідей даму бағдарымызды болжап, жаһандану кезеңіне аяқ басқан шақта Абай салған сара жолмен жүру аса маңызды. Нағыз жаңғыру – Абай. Абайсыз рухани жаңғыру мүмкін емес. Ендеше, Абайдың рухани мұрасын танып, оның көрсеткен бағыт-бағдарымен жүрсек жаңылмаймыз.

Абдикалиева Гулхан Самалбековна,
Қармақшы аудандық білім бөлімінің
«№277 мектеп-лицейі» КММ
қазақ тілі мен әдебиеті пәнінің мұғалімі
09 қаңтар 2020 ж. 100 0

PDF нұсқалар мұрағаты

№25 (9879)

03 сәуір 2020 ж.

№24 (9878)

30 наурыз 2020 ж.

№23 (9877)

26 наурыз 2020 ж.

Сұхбат

Суреттер сөйлейдi

Жаңалықтар мұрағаты

«    Сәуір 2020    »
ДсСсСрБсЖмСбЖс
 12345
6789101112
13141516171819
20212223242526
27282930