» » » ЖЫР ЖАТТАҒАН ГҮЛСІҢАЙ

ЖЫР ЖАТТАҒАН ГҮЛСІҢАЙ

Ақтөбе ауылында бар баласы үздік оқыған, оқитын отбасылар көп. Солардың бірі – Бақытбек Мұнарбаев пен Шолпан Байтанатованың балалары. Алтынбек, Алтынай, Гүлсіңай, Жарқынай деген ұл-қыздар атына сай. Бәрі де оқу озаты. Алтынбек жоғары оқу орнын тәмамдап, қызмет етсе, Алтынай «Алтын белгі» иегері. Әл-Фараби атындағы Қазақ Ұлттық университетінің студенті. Жарқынай 7 сыныптың үздік оқушысы. Ал Гүлсіңай 11 сыныпта. 3 сыныпта «Тұрмағамбет» оқуына қатысып, ІІ орын иеленген. 5-6 сыныбында Абайдың 100-ге жуық өлеңін жаттап, «Абай оқуына» қатысқан. Алғыр да зерек оқушы түрлі мүшәйра мен ғылыми жоба байқауында ерекше көзге түседі. Ұстазы, қазақ тілі мен әдебиеті пәні мұғалімі Тұрсынай Берікбаева оны әдебиетке мықтап баулыған.
Қазақстан Республикасы Тұңғыш Президенті Н.Назарбаевтың «Болашаққа бағдар: рухани жаңғыру» және «Ұлы даланың жеті қыры» мақалаларында алға қойған міндеттерді іске асыру бағытында 6-10 сынып оқушылары арасында республикалық байқау ұйымдастырылмақ. Осы байқауда ауданымыздан бақ сынайтын 304 оқушының бірі – Гүлсіңай Кенжебек. Ол 132 беттен, 5206 жолдан тұратын «Қобыланды батыр» жырының Мұрабай жырау нұсқасын небәрі 2 айдың ішінде жаттапты. Жыр ішіндегі көнерген, тарихи сөздердің мағынасын Бибігүл Әбдірасыловамен бірге талдауда.
Биыл 11 сыныпқа аяқ басқан бойжеткен гуманитарлық емес, жаратылыстану бағытын таңдапты. Есепке де жүйрік ол физматтың білгірі болсам дейді. Жаз бойы ҰБТ-ға дайындалуда. «Алтын белгіні» абыроймен қорғап, грант жеңіп алу – басты мақсаты. Ол бүгінде «QAZAQ EPOS» республикалық ағарту жобасы ұйымдастырған «Тұлпар мініп, ту алған!» байқауына қатысуға тас түйін дайын.
Гүлжанат ӘМІРҚЫЗЫ
16 шілде 2019 ж. 333 0

PDF нұсқалар мұрағаты

№80 (9832)

15 қазан 2019 ж.

№79 (9831)

12 қазан 2019 ж.

№78 (9830)

08 қазан 2019 ж.

Хабарландыру

Хабарландыру!

Хабарландыру!

16 қазан 2019 ж.
Хабарландыру!

Хабарландыру!

16 қазан 2019 ж.

Сұхбат

Жаңалықтар мұрағаты

«    Қазан 2019    »
ДсСсСрБсЖмСбЖс
 123456
78910111213
14151617181920
21222324252627
28293031