Ұлтының ұлы ұстазы
Халықаралық «Қазақ тілі» қоғамы аудандық филиалының аудандық агротехникалық колледжі бастауыш ұйымында қазақ тіл білімінің іргетасын қалаушы ғалым, Ыбырай Алтынсариннен кейінгі еңбегі ерекше ағартушы-педагог, сөз құдіретін танытқан тамаша ақын, қазақ баспасөз тілінің ұлттық үлгісін көрсеткен талантты публицист, туған халқының рухани дүниесін көтеруге көп күш жұмсаған мәдениет және ірі қоғам қайраткері – Ахмет Байтұрсынұлының шығармашылығына арналған «Ұлтының ұлы ұстазы» атты ғылыми-теориялық конференция өтті.Ол – ақын, жазушы, аудармашы, публицист, қоғам қайраткері, ағартушы, этнограф, фольклорист, түркітанушы, әдебиетші, тілші, ғалым. Оның бүкіл еңбегінің мәнін бір ауыз сөзге сыйғызып айтар болсақ, ол бас әріппен жазылған ұстаз, халық ұстазы.
Конференцияда А.Байтұрсыновтың тіл саясаты және қазіргі тілсаясатының сабақтастығы, ұлт болашағындағы ағартушылық қызметі, жайлы кеңінен сөз қозғады.
Іс-шараға Халықаралық «Қазақ тілі» қоғамы аудандық филиалының алқа мүшелері Әбдірахман Құлдүйсенов, Шегебай Құндақбаев және колледж басшысы Бауыржан Сайдуллаұлы қатысып, әділ қазылар құрамында студенттердің еңбегін бағалады. Қорытындысында І орынды Тг-21/9 оқу тобының студенті Индира Жанықұлова, ІІ орынды А-20/9 оқу тобының студенті Есбол Сансызбаев, ІІІ орынды Тг-20/9 оқу тобының студенті Мереке Мырзабаева иеленсе, қалған студенттерге қатысқаны үшін сертификат табысталды.
ГүлнарБИСЕНҚҰЛОВА,
Халықаралық «Қазақ тілі» қоғамы аудандық филиалының қызметкері
