Өрт сөндіру қызметкерлері музейде
Қазақ ақыны, әдебиеттанушы ғалым, түріктанушы, публицист, педагог, аудармашы, қоғам қайраткері Ахмет Байтұрсынұлының 150 жылдық мерейтойына орай елімізде көптеген ауқымды мәдени іс-шаралар өтуде.
Осы айтулы шаралар аясында Қармақшы аудандық тарихи-өлкетану музейімен Қармақшы аудандық №3 өрт сөндіру бөлімі қызметкерлерінің бірлескен дөңгелек үстел жиыны болды. Дөңгелек үстел барысында Ахмет Байтұрсынұлы туралы тарихи деректер талқыланып, дәріс оқылды.
Шара соңында аудандық өрт сөндіру бөлімінің құрамы мәдени оқу-ағарту жұмыс жоспарларына сәйкес, музейдің экспозициялық залдарын аралап, өлке тарихымен танысты.
