Қауіпті індетпен күрес - ортақ мақсат

Қазіргі кезеңде сыбайлас жемқорлықты еңсеру ел дамуының аса маңызды басымдықтарының бірі болып табылады. Сондықтан жемқорлықтың кез-келген көріністеріне мүлдем төзбеушілік ахуалын қалыптастыру жолымен жемқорлыққа қарсы қозғалысқа бүкіл қоғам болып ат салысуымыз керек. Осы мақсатта Қармақшы ауданы №5 өрт сөндіру бөлімі мен «Нұр Отан» партиясы Қармақшы аудандық филиалы сыбайлас жемқорлықтың алдын-алу бағытында аудандық партия филиалының мәжіліс залында №5 өрт сөндіру бөлімінің қызметкерлерімен кездесуі болып өтті. Шара барысында «Нұр Отан» партиясы Қармақшы аудандық филиалы төрағасының бірінші орынбасары, сыбайлас жемқорлыққа қарсы іс-қимыл жөніндегі қоғамдық кеңестің төрағасы Д.Буханов, аудандық партия филиалының консультанты Ж.Мұханбетқалиев, Қармақшы ауданы №5 өрт сөндіру бөлімі бастығы Ө.Сақтабаев, өрт сөндіру бөлімінің орынбасары Р.Альмерденов және бөлім қызметкерлері, ТЖБ- нің инженері С.Абжаевалар қауіпті індетпен күрес ортақ мақсат екенін айтып, көкейлерінде жүрген сұрақтарын қойып, ойларымен бөлісті.