АНА КӨРГЕН – ТОН ПІШЕР
«Рухани жаңғыру» бағдарламасы аясында аудандық жыраулар үйі «Пай-пай, қазақтың келіндері-ай» тақырыбында келіндер арасында сайыс өткізді.
Байқау талапкерлері «Сәлем – сөздің атасы», «Өнерлі – өрге жүзер», «Ана көрген – тон пішер», «Ақылына – көркі сай» бөлімдері бойынша бақ сынап, өзара сынға түсті. Сондай-ақ, келіндер бесік жырын жанды дауыста орындап, қазақтың қасиетті бесігінің мән-мағынасы мен өзіндік құндылығын түсіндірді.
Ұлттық тәрбиені паш еткен байқау нәтижесінде бас жүлдені аудандық мәдениет және тілдерді дамыту бөлімінің статисі К.Мүсілімова жеңіп алса, І орын Қармақшы ауылдық клуб үйінің әдіскері А.Серіковаға, ІІ орын аудандық тарихи-өлкетану музейінің қызметкері Б.Сахиеваға және ІІІ орын «Ертөстік» балабақшасының тәрбиешісі Н.Сайлауоваға берілді. Сонымен бірге, сайысқа қатысқан А.Таңатарова, Б.Сыздықова, Н.Тарғанова ынталандыру сыйлықтарын ие болды. Салт-дәстүр салтанат құрған шарада байқау жүлдегерлері аудандық мәдениет және тілдерді дамыту бөлімінің алғыс хатымен марапатталды.
Салтанат ЖҰМАТАЕВА,
жыраулар үйінің әдіскері.
