ПАЙ-ПАЙ ҚАЗАҚТЫҢ КЕЛІНДЕРІ-АЙ

Қазақ отбасының нағыз ұйытқысы – келін. Дана халқымыз ертеден ене мен келін қатынасына аса жоғары көңіл бөліп, оған аса байыппен қараған. Ата-анасынан көрген тәрбиесі мен қайын жұртының ықыласы мен алғысына бөленіп жүрген келіндер қазір де бар. Осы аналарымыздың сара жолын жалғастыру мақсатында 8 наурыз- Халықаралық әйелдер күні қарсаңында болашақ ана, асыл жар, қазақ келіндерін ұлттық рухта тәрбиелеу, ана тілін, ұлттық мәдениетін құрметтеу, жас …отау тәрбиесін ұғындыру, қазақ әйелдерінің қоғамдағы рөлін арттыру, қазақы қалыптарды сақтай отырып, заман талабына сай жан-жақты дамыған тұлға етіп, болмысын қалыптастыру мақсатында өткізілген «ПАЙ-ПАЙ ҚАЗАҚТЫҢ КЕЛІНДЕРІ-АЙ» тақырыбындағы аудандық келіндер байқауын болып өтті. Байқауға қазақтың ұлттық салт-дәстүрі мен дүние танымын насихаттауда 7 талапкер келіндер қатыстырылып, қазылар алқасының Жұпар Бердібева- мәдениет саласының ардагері, Гүлжауһар Раева- аудандық мәслихат депутаты, аудандық әйелдер кеңесінің төрайымы, Зәуре Кәірібаева - жырау, халықаралық "Көркемөнерпаздар ұжымының" мүшесі, әділ шешімімен Мүсілімова Күнсұлу - Бас жүлде, Серікова Ақкерке- І орын, Сахиева Баршагүл- 2 орын, Сайлауова Назгүл- 3 орынмен, Бота Сыздықова, Таңатарова Әйгерім, Тарғанова Назеркелер аудандық мәдениет және тілдерді дамыту бөлімінің Алғыс хатымен және бағалы сыйлықтармен марапатталды.
Тәуелсіз еліміздің ұлттық уызынан нәр алған, ұлттық тәрбие бесігінде тербеліп өскен, тілі, діні таза, ойы өрелі ұрпақты дүниеге әкелген келіндер ақыл-парасаты, сымбат-көркі, іс-өнері сияқты қасиеттерімен сараланған.