Абай Құнанбайұлы ұрпағының шежіресі
Sputnik Қазақстан тілшісі қазақтың ұлы ақыны Абай Құнанбайұлының туған жері Жидебайда болып, оның ұрпағының шежіресімен танысып қайтты.
Абайдың Ділдә, Әйгерім және Еркежан деген үш жары болған.
Ол Ділдәға 15 жасында үйленді. Неке жастардың әкелерінің келісімімен қиылған. Ақынның бірінші әйелі алты бала туған.
Ақынның екінші жары – Әйгерім, ол Абайдың сүйікті жары болған. Екеуі төрт бала тәрбиелеп өсірді.
Ал Еркежан әмеңгерлікпен Абайды үшінші жары болып, ақын өмірінің соңғы 11 жылында Жидебайда бірге тұрған. Олардың ортақ балалары жоқ.
Ақынның он баласынан 19 немере мен 13 шөбере тараған. Олардың тоғызы Ұлы Отан соғысына қатысып, тек екеуі туған жеріне оралды.
