Тіл жанашырлары марапатталды

Қызылорда қаласында "Тіл - татулық тірегі" атты фестиваль болып өтті.Аталған шараға аймағымыздан жиналған тіл мамандары мен тіл жанашырлары түрлі деңгейде марапаттарға ие болды. Соның ішінде біздің жерлестер де бар.Облыс әкімінің алғыс хатымен мемлекеттік қызметкерлер мен ересектерді оқытып жүрген "Тілдерді оқыту орталығының" оқытушылары Райкүл Қаратаева, «Құрмет Грамотасымен» «Қазақ тілі» Халықаралық қоғамдық бірлестігі Қармақшы аудандық филиалының төрайымы, аудандық мәслихат депутаты Күлжауһар Раева марапатталды.

Сонымен бірге облыстық "Тілдерді оқыту орталығының" директорының алғыс хатын Роза Изыкулова  иеленді.

Аталмыш мереке аясында мамандарымыз орталық әдіскерлерінің ұйымдастыруымен "Латын графикасы: теориясы мен практикасы" атты біліктілікті жетілдіру курсынан өтіп келді.