Халық театры қойылым қоюда
Ш.Төлепова атындағы аудандық мәдениет үйінің жылдық жоспарына сәйкес Халық театрының режиссеры М.Махамбетұлының трактовкасымен әзірленген, драматург Ерсайын Төлеубайдың «Тентек Теке» қойылымын аудан орталығындағы мектептерге қою жоспарланған.
Мамыр айынан бастап мектеп алды даярлық топтары мен бастауыш сынып оқушылары керемет туындыны тамашалауда. "Тентек теке" қойылымының алғашқы шымылдығы кент орталығындағы «Тоғжан» балабақшасында түрілді. Балғын көрермендер қойылымға тәнті болды.
– Халық театрының мақсаты анық. Жүйелі жоспарды бекіттік. Балаларға арналған қойылымды көрермендер жақсы қабылдады. Ал мұнан біз шабыттанамыз. Ізденісті молайтып, тың тақырыптарды, орайлы туындыларды сахналаймыз, – деді М.Махамбетұлы.
Ш.Төлепова атындағы аудандық мәдениет үйінің Халық театры жыл көлемінде спектакль, интермедия қойылымдарын көрермендерге ұсынатын болады.
Нүркен Әлиасқаров.
