ЖЫР – ӘННІҢ ЕЛІ, ТҰРАННЫҢ ТӨРІ – ҚЫЗЫЛОРДА!

Аудандық Шәмшат Төлепова атындағы мәдениет үйінде дария бойындағы шырайлы шаһар Қызылорда қаласының 200 жылдық мерейтойына арналған Қызылорда қаласының Қармақшы ауданындағы мәдени күндері аясында «Жыр – әннің елі, Тұранның төрі – Қызылорда!» тақырыбындағы салтанатты шара өтті.
Салтанатты шараға Қызылорда қаласының әкімі Н.Нәлібаев, қалалық мәслихат хатшысы Р.Боханова, «Нұр Отан» партиясы Қызылорда облыстық филиалы төрағасының орынбасары Е.Байтілес, аудан әкімі С.Мақашов және аудан тұрғындары қатысты.
Шара барысында қала әкімі Нұрлыбек Машбекұлы құттықтау сөз сөйлеп, Қызылорда қаласының 200 жылдық мерейтойына қармақшылықтардың қосқан үлестері үшін ризашылығын білдіріп, бірқатар азаматтарға мерейтойлық медаль табыстады.
Салтанатты шара әрі қарай Қызылорда қаласының өнерпаздарының қойылымымен жалғасты. Шараға жиналған халық Қызылорда қаласы өнерпаздарының шеберлігіне тәнті болып, құрмет-қошеметтерін білдірді.