ШАЙЫРЛАР ЕЛІНДЕГІ ӨНЕР КЕШІ

Облыстық филармонияның өнер ұжымы Қармақшы ауданындағы Тұрмағамбет және Ақжар ауылдарында концерт қойды. Ұлттық жаңғыру деген ұғымның өзі ұлттық сананың кемелденуін білдіреді. Салт-дәстүріміз, тіліміз бен музыкамыз, әдебиетіміз, ұлттық рухымыз бойымызда мәңгі сақталуы тиіс. Мұның барлығы Елбасының «Болашаққа бағдар: рухани жаңғыру» атты бағдарламалық мақаласында көтерілген негізгі ойлардан туындап отыр.

Осыны негізге алған филармонияның Тұрмағамбет атындағы халық аспаптар оркестрі концерттік бағдарламаларда ұлттық негіздегі әндер мен  күйлерді орындады. Көрерменге халықтық жырлар мен тәлімді термелер ұсынылды.

Жұрт алдына шығып өнер көрсеткен К.Избанова, Р.Ахметов, С.Тасбергенова, Ә.Қуаңбаев, М.Сүгірбай, М.Сәрсенбаева, М.Бекпейсов, М.Мақұлбеков, А.Бегімсалова сынды сахна саңлақтары қармақшылықтардың ыстық ықыласына бөленді.