«СЫРЫМДЫ ЖЕТКІЗ ЖЫРЛАРЫМ» АТТЫ ОБЛЫСТЫҚ МҮШАЙРА ӨТТІ
Бүгін Қармақшы ауданы әкімдігінің қолдауымен Көшеней Рүстембеков атындағы аудандық «Жыраулар үйінің» ұйымдастыруымен «Қармақшы ауданының құрметті азаматы» ақын ұстаз Мұхамбетқали Шыңғысовтың туғанына 90 жыл толуына орай «Сырымды жеткіз жырларым...» атты облыстық жазба ақындар мүшәйрасы өтті.
Шара барысында аудан әкімінің орынбасары Меңлібаев Еркебұлан Қайырбекұлы құттықтау сөз сөйлеп, қатысушы талапкер ақындарға сәттілік тіледі.
Ақын, ұстаз Мұхамбетқали Шыңғысов ағамызбен замандас болып көзін көрген зиялы қауым өкілдері құрметті ардагер ағаларымыз Қармақшы аудандық ардагерлер кеңесінің төрағасы Есдәулетов Қаршыға, аудандық мәслихат депутаты, ақын Алтай Үсеновтер естеліктер айтты.
Мүшәйраға қатысқан 12 ақынға арнайы құрылған әділ қазылар алқасы төрелік жасап, нәстижесінде Бас жүлде Ғабит Кәдірбайға /Қызылорда қаласы/, І орын Ақжол Түменбайға /Қазалы ауданы/, ІІ орын Орынкүл Тынымбаева /Қармақшы ауданы/, ІІІ орын Тұрар Бекмұрзаевтар /Қармақшы ауданы/ иеленді. Барлық қатысушы ақындарға арнайы Алғыс хаттар табысталды.
