ҚҰРМЕТТІ ҚАРМАҚШЫ АУДАНЫНЫҢ ТҰРҒЫНДАРЫ МЕН ҚОНАҚТАРЫ!

Қорқыт бабаның құтты мекені Қармақшының қасиетті топырағында дүниеге келген, бүкіл ғұмырын туған жеріне, халқына арнаған, ұлағатты ұстаз болумен бірге айтыскер, сазгер, ақын, сатирик, жазушы, Бүкілодақтық фольклорлық байқаулардың жүлдегері Мұхамбетқали Шыңғысовтың туғанына -90 жыл. 

Елбасы Н.Назарбаевтың «Болашаққа бағдар: рухани жаңғыру» мақаласы аясында Қармақшы ауданы әкімдігінің қолдауымен Қармақшы аудандық мәдениет және тілдерді дамыту бөлімі мемлекеттік мекемесінің Көшеней Рүстембеков атындағы аудандық «Жыраулар үйінің» ұйымдастыруымен 2018 жылдың 6 желтоқсаны күні

сағат 11.00 - де аудандық Ш.Төлепова атындағы мәдениет үйінде "Қармақшы ауданының құрметті азаматы", ақын, ұстаз Мұхамбетқали Шыңғысовтың туғанына 90 жыл толуына орай "СЫРЫМДЫ ЖЕТКІЗ ЖЫРЛАРЫМ...." атты облыстық жазба ақындар мүшәйрасы өтеді. Ақындар мүшәйрасына қарт Қаратаудан, айдынды Арал аймағынан келген ақындар бақ сынасады.

Келіңіздер, көріңіздер!