Елбасы Н.Ә.Назарбаевтың "Болашаққа бағдар: рухани жаңғыру" мақаласы аясында Ақтөбе облысы, Мұғалжар ауданы делегаттарының Қызылорда облысы, Қармақшы ауданына арнайы сапарында Қармақшы ауданы әкімдігінің қолдауымен Көшеней Рүстембеков атындағы "Жыраулар үйіне" барып, Сыр елінің дәстүрлі жыраулық өнерімен танысты. Қонақтарды Жыраулар үйінің директоры Серик Жақсығұлов қарсы алып, мекеменің тыныс-тіршілігі туралы және алдағы жұмыс жоспарларымен бөлісті. Келген делегаттар Жыраулар үйінің жетекшілері мен үйірме шәкірттерінің концертін тамашалады.