Оны музейдің ғылыми қызметкері Т.Өтегенова ұйымдастырды. «Қармақшы ауданының құрметті азаматына» арналған көрмеге ақынның көзі тірісінде қолданған бұйымдары: жайнамаз, қол сағаты, көзілдірік, қаламсап, марапаттары, тағы басқа заттары қойылды.

– М.Айдынәліұлының шығармашы­лығымен тағы бір қауышқаныма қуанышты­мын. Әсіресе, өзі тұтынған заттарын көру мен үшін ғанибет. Халқымызда: «Ақынның – екі ғұмыры болады» деген сөз бар. Ақын ағамыздың екінші – шығармашылық ғұмыры өзінің туып-өскен халқымен мәңгі бірге жасай береді, – дейді Тұрмағамбет ауылының тұрғыны Мұрат Алдамұратов.

Расында да, талайды от ауыз, орақ тілімен тәнті еткен ақын ағаның шығармасы халқының рухани қазынасына өз үлесін қоса береді.