ЕЛДІКТІҢ АЙҒАҒЫ
Арқаның төрінде, сылдырап аққан ерке есілдің бойында орналасқан айбынды астанамыз бүгінгі күні 20 жасқа толды. Астананың алып жатқан асуы, тұғырлы тәуелсіздігіміздің, еңселі елдігіміздің, айбарлы азаттығымыздың арқасы. Шаһардың бүгінде ұшқыр дамып, гүлденуі бұл да болса халықтың айрандай ұйыған ауызбіршілігі, шаттығы шалқыған бір шаңырақтың астында бейбіт өмір сүріп жатқаны, ақ көңілді, кең пейілді, ешкімді жатсынбайтын, арамдықтан ада, қиянаттан шет, жомарт мінезді, кез келген адамзатты бауырына баса білген дархандығы мен елбасымыздың дара басшылығының арқасы.
Аудандық оқушылар үйіндегі «Көшбасшы» үйірмесінің ұйымдастыруымен «Астана-Тәуелсіздіктің тірегі» тақырыбында өткен кездесуде осыған тағы да көз жеткіздік. Шараның мақсаты-оқушыларға Елордамыздың тарихы, егемендік туралы түсінік бере отырып, туған елін, жерін құрметтеуге тәрбиелеп, патриоттық сезімін ояту.
-«Астана болашақтың қаласы. Ондағы кез келген ғимаратта, EXPO көрмесіне арнайы жасалынған кешендерде көз тартарлық. Құдды бір басқа әлемге түсіп кеткендей болдық. Оқушылармен бірге алған әсерімізді көзбен көрмесе, сөзбен айтып жеткізу мүмкін емес»,-деді, №121 мектеп директорының орынбасары және «жас ғалымдар» кеңесінің төрағасы Айбол Қозыбақов.
Шара барысында басқа келген қонақтар да Астана төңірегінде өз ойларын ортаға салды. Әрбір қатысқан оқушылар мен қонақтар астананың туған күніне ақжолтай тілегін жолдады.
Арайлым АБАЙҚЫЗЫ
