Таланттар бақ сынасты
Аудандық Ш.Төлепова атындағы мәдениет үйінде аудан әкімдігінің қолдауымен ән әлемінде ойып алар орны бар, өзіндік қолтаңбасын қалдыра білген Қазақстанның және КРО халық әртісі, КРО емлекеттік сыйлығының иегері, оциалистік Еңбек Ері Бибігүл Төлегенованың 95 жасқа толу мерейтойына арналған «Қазақтың бұлбұлы» атты классикалық ән орындаушылардың облыстық байқауы өтті.
Дарынды, талантты өнерпаздарды анықтап, қазақ классикалық ән өнерінің деңгейін көтеру, жас ұрпақтың рухани дамуына ықпал жасау мақсатында өткізілген байқауда 7 өнерпаз өзара бақ сынасты. Оған Қазанғап атындағы Қызылорда музыкалық колледжінің оқытушысы, халықаралық конкурстардың лауреаты Жадыра Белгібаева, сол колледждің оқытушысы, әнші Меруерт Сағынбек, облыстық халық шығармашылығын дамыту және мәденипродюсерлік орталығы «Музыка және балалар шығармашылығы» бөлімінің меңгерушісі, мәдениет саласының үздігі Бағдагүл Есмұрзаевалар төрелік етті.
Байқау қорытындысы бойынша бас жүлдені жерлесіміз Наргиз Ерлан қанжығасына байласа, І орынды қызылордалық Аяулым Қанатқызы мен Саят Сағындық иеленді. Ал жүлделі ІІ орынға қызылордалық өнерпаз Аружан Ишанбек пен жалағаштық Ақжан Бауыржанқызы жайғасты. ІІІ орынды қызылордалық Ақерке Ибрагимова мен қармақшылық Жансая Ойнарбековалар өзара бөлісті.
«ҚТ» ақпарат
