Тәрбие негізі ұлттық құндылықта
Білім бөліміне қарасты №106 орта мектебінің “Балауса” жазғы тынығу этнолагерінде “Тәрбие негізі ұлттық құндылықта” тақырыбында аудандық семинар өтті.
Семинарга аудандық ата-аналар комитетінің төрағасы М.Әлиев, Иіркөл ауыл әкімі Ж.Төлегенов, Иіркөл ауылы ардагерлер кеңесінің төрағасы Ә.Білжанов және мектеп ата-аналары қатысты.
Ұлттық сана-сезімі қалыптасқан, ұлттық мүдденің өркендеуіне үлес қоса алатын ұлттық құндылықтар мен жалпы адамзаттық құндылықтарды өзара ұштастыра алатын ұлтжанды тұлғаны тәрбиелеу мақсатындағы іс-шарада ұлттық тағам түрлері дайындалып, оқушыларымыз ұлттық спорт түрлерімен танысты.
Осы орайда балалар асық атып, атқа міну дәстүрін көрсетті. Ұлттық салт -дәстүрді дәріптеу мақсатында “тұсаукесер” рәсімі өткізілсе, “Әжем айтқан ғибратты әңгіме” демекші, ардагер әжеміз жас буындарға тәрбиелік мәні бар өзінің ғибратты әңгімелерін айтып, ақыл-кеңесін берді.
Шара соңы “Сoworking” орталығында қорытындыланды. Сан ғасырлар бойы сұрыпталған ұлттық құндылықтарымызды оқу-тәрбие процесіне енгізу арқылы ұлттың тұнып тұрған рухани байлығымен өскелең ұрпақты сусындату – басты парызымыз.
