Ауыл кеші көңілді
qarmaqshy-tany.kz ІІІ Интернационал ауылдық мәдениет үйінде ауыл көркемөнерпаздарының қатысуымен, мәдениет үйі қызметкерлерінің ұйымдастыруымен "Ауыл кеші көңілді" атты концерт болып өтті.
Бағдарламада әр түрлі тақырыпта әндер айтылып, ВАА-ның сүйемелдеуімен композициялар, әндер орындалып, қоғамдағы, тұрмыстағы кездесетін жағдайларға байланысты алынған "Шаншар", "Алдараспан" сықақ театрларының репертуарларынан көріністер көрсетіліп, көрермендердің ыстық ықыластарына бөленді.
Сондай-ақ, жыл басында этно бағыттағы (қобыз, домбыра) вокалды-аспапты ансамбль (ВИА) топ құрылып, құрамында 10 адам жұмыс жасауды бастады. Құрамындағы барлығы да кәсіби музыканттар.
Жетекшісі мәдениет үйінің директоры Талғат Асылбеков. Бастамаларыңыз оң болсын.
