Тағылымды шараға қатысқан аудан әкімі Әділбек Ерсұлтанов ұзақ жылдар бойы ауданда, облыста сауда саласын басқарған Сыр елінің біртуар азаматы Әбдіраш Іскендірұлының өмірі мен еңбек жолына көз жүгіртіп, жыршы-жырауларға сәттілік тіледі.

Фестивальге республикамызға белгілі жыршы-жыраулар Бидас Рүстембеков, Қасарбек Кәрібаев, Берік Саймағанбетов, Арнұр Көшеней, Серік Жақсығұлов, Болат Баймұратов, Әділхан Қуаңбаев, Айгерім Ешбаева, Динар Рахман және Бексұлтан Орынбасаровтар қатысып, жыр көрігін қыздырды.

Еңбегімен ел құрметіне бөленген ел ағасына арналған жыр фестивалінде еңбек адамына деген құрмет, жас ұрпақты адал еңбек етуге тәрбиелеу дәріптелді.

Іс-шараға Әбдіраш Іскендірұлының ұрпақтары, туған-туысқандары қатысып, әке еңбегін құрметтеуші қауымға өз алғыстарын білдірді.