Ауданда облыстық қыз-келіншектердің жыр фестивалі өтті
Ауданда белгілі жырау Шәмшат Төлепованың өнегелі өмірі мен өнерін насихаттау мақсатында «Домбырасын моншақтаған жыр жауһарлары» атты облыстық қыз-келіншектердің жыр фестивалі өтті.
Айтулы іс-шараны аудан әкімінің міндетін атқарушы Жұлдызхан Байназарұлы ашып, іс-шараға қатысушы жыршы-жырауларға сәттілік тіледі.
Сыр сүлейлерінің мұрагерін дәріптеген тағылымды іс-шараға Ш.Төлепованың артынан ерген ізбасар жыршы-жырау қыз-келіншектер қатысып, жиналған жыр сүйер қауымға, жырдан шашу шашып, өз өнерлерін көрсетті.
Фестивал соңында әкімінің міндетін атқарушы Жұлдызхан Байназарұлы барша қатысқан жыршы жырауларға ризашылығын білдіріп, арнайы алғыс хаттармен марапаттады.
Сондай-ақ, іс-шараға арнайы қатысқан Шәмшат Төлепованың ұрпақтары ұйымдастырушылар мен қатысушыларға ықылас лебізін жеткізіп, алғысын білдірді.
