Төретам кенттік клуб үйінің қолдауымен, Байқоңыр, Төретам, Ақай ауылдық округінің өнер ұжымының ұйымдастыруымен қайырымдылық концерт болып өтті. Концертке кентімізге танымал өнерпаздар қатысып, ел көңілінен шықты. Аталмыш кешке кентіміздің ардагерлер алқасы, әйелдер қоғамдық бірлестігі және кент әкімі Галымжан Тажмағанбетұлы қатысты. Өнердің киесін бағалаған кент тұрғындары екі сағатқа созылған керемет концерттің куәсі болды. Кеш соңында Төретам кентінің әкімі сөз сөйлеп, жылы лебізі мен алғысын білдіріп, алдағы уақытта да жалғасын тапса екен деген ұсынысын білдірді. Ел алғысына бөленген өнер ұжымы алдағы уақытта да концерттердің жиі ұйымдастырылып, халықтың ақ батасына ие болатынын жеткізді. Жоғары дәрежеде өткізілген шара соңында өнерпаздар естелік суретке түсіп, көңілді тарқасты.