Төретам кентінің әкімі Ғалымжан Елеусінов дарынды оқушылармен кездесті.

Кездесу барысында әуелі аймақтық білім мекемелеріндегі он саусағынан өнер тамған, мектеп абыройын асқақтатып жүрген шебер оқушылардың көрмесімен танысты. Көрмеде оқушылар өз қолдарынан шыққан туындыларын паш етті.

Одан әрі кент әкімі қатарының алды саналатын 100-ге жуық дарынды оқушымен еркін форматта кездесуін жалғастырды. Онда барлық қатысушы оқушының жетістіктері айтылды.

Ғалымжан Тәжмағанбетұлы оқушыларға жылы лебізін білдіріп, өмірлік ұстанымы мен мақсатқа жетудің айқын жолын айтып өтті. Оқушылар өз ойларындағы сұрақтарын қойып, кенттің өркендеуіне арналған арнайы ұсыныс-пікірлерін де білдірді. Бірнеше сағатқа созылған кездесуден оқушылар керемет әсер алып, болашаққа деген сенімдерін нығайта түсті. Кеш соңында кент әкімі ҰБТ тапсыратын жоғары сынып оқушыларына сәттілік тілеп, олардың жоғары орындардан көрінетініне сенім білдірді.