Жосалы кентінің әкімі Ш. Сыдықов кент тұрғындарына «2020 жылы атқарылған жұмыстары мен алдағы уақыттағы жоспарлары туралы» жылдық қорытынды есебін берді.

Жалпы Жосалы кентінде өткен жылы абаттандыру, санитарлық-тазалық жұмыстарын жүргізуде бірқатар шаралар атқарылды.

Жаяу жүргіншілер жолын жөндеуге айрықша көңіл бөлініп, брусчаткалар төселіп, тұрғындарға демалуға орындықтар, арнайы қоқыс жәшігі, жарықшамдар орнатылды.

Көшелерді жарықтандыру, спорттық ойын алаңдарын салу, жол жөндеу жұмыстары кезек-кезегімен қолға алынып, жаңадан аяқ-су жүретін арықтар қазылып, аяқ-су мәселесін шешуде жұмыстар атқарылды.

«Жыраулар үйінде» өткен жиынға қатысқан кент тұрғындары өздерін толғандырып жүрген сұрақтарын қойып, ұсыныс-пікірлерін білдірді.

Қойылған әрбір сұраққа кент әкімі тұщымды жауап беріп, тұрғындар көтерген мәселе үнемі назарда болатынын жеткізді.