Кент әкімі халық алдында есеп берді
ЖОСАЛЫ, 28 қаңтар – qarmaqshy-tany.kz Жосалы кентіндегі Көшеней Рүстембеков атындағы жыраулар үйінде аудан әкімі М.Қалдарбеков пен Жосалы кенті әкімі Ш.Сыдықовтың халық алдындағы кезекті есеп беру жиыны өтті.
Есеп беру жиынына аудан әкімі, аудан әкімінің орынбасарлары, мекеме, кәсіпорын басшылары, ардагерлер, үкіметтік емес ұйым жетекшілері, бұқаралық ақпарат құралдары өкілдері және Жосалы кентінің тұрғындары қатысты.
Жиын барысында кент әкімінің және аудан әкімінің 2019 жылы атқарылған жұмыстар жөніндегі баяндамалары тыңдалып, тұрғындар тарапынан қойылған сұрақтарға тұшымды жауап берілді.
Кент тұрғындары Қармақшы ауданы және Жосалы кенті әкімдеріне 2019 жылы атқарған жұмыстарына ризашылықтарын білдіріп, сәттілік тіледі.
