Елбасының «Орталық атқарушы органдар басшыларының, әкімдердің, ұлттық жоғары оқу орындары ректорларының халыққа есеп беру кездесулерін өткізу туралы» Жарлығына сәйкес барлық деңгейдегі әкімдер жылма-жыл аудан, ауыл тұрғындары алдында есеп беріп келеді. Әрине, бұл есеп беру жиналыстары мен кездесулер өзінің нәтижесін беріп, халық алдында есеп берудің маңыздылығы жоғарылады. Билік пен халық арасындағы алшақтық жойылып, халықтың билікке деген сенімі артты. Көптеген өзекті мәселелер шешімін тауып, жүзеге асырылды. Осы орайда аудан әкімі С.Мақашовтың аудан тұрғындары алдындағы есепті кездесулері басталды. Айта кетейік, есепті кездесулер ағымдағы жылдың 16 қаңтар күні басталып, 24 қаңтар күні Жосалы кентінде қорытындыланады.