Кент әкімінің есебі тыңдалды
ЖОСАЛЫ, 11 қаңтар – qarmaqshy-tany.kz «Қазақстан Республикасындағы жергілікті мемлекеттік басқару және өзін-өзі басқару туралы» Заңының 39-3-бабына сәйкес, 2020 жылдың 10 қаңтары күні сағат 11.00-де Жосалы кенті әкімі аппаратының мәжіліс залында Жосалы кенті жергілікті қоғамдастық өкілдері жиыны өтті.
Күн тәртібінде «Жосалы кенті әкімінің 2019 жылғы әлеуметтік-экономикалық дамуының қорытындысы және одан әрі дамуының негізгі бағыттары туралы» Жосалы кентінің әкімі Ш.Сыдықовтың есебі және Жосалы кенті бойынша екі тірек пунктінің аға учаскелік полиция инспекторларының (Е.Нұғыманов, Д.Қорамбаев) 2019 жылы атқарылған жұмыс қорытындысы туралы есебі тыңдалып, талқыланды. Жиын барысында қоғамдастық өкілдерінің күн тәртібіне байланысты ұсыныс-пікірлері, сауалдары қаперге алынып, хаттамаланды.
