Жасай бер, Алашымның Астанасы!
Ақ түйенің қарны жарылғандай.
Тәуелсіздік символы алтын ордам,
Бүгінде айдан алқа тағынғандай.
Үңілсем көне тарих беттеріне,
Бабалардың сын-сағат өткеліне.
Тар жол – тайғақ кешудің жауабындай,
Астанам тәңір сыйы көкте міне.
Сұлулық өн бойына жарасады,
«Бәйтерегім» аспанмен таласады.
Жырдан шашу шашамын қанаттанып,
Күн сайын өзгеруде қала сәні.
Жалындаған жастардың арманындай,
Сарыарқада бақ жұлдыз жанғанындай.
Мәңгілік қарыштай бер жаңа Астанам,
Жер бетінде бақ мекен бар ма мұндай.
Бар қазақтың басын қосар бас қаласы,
Елімнің тым арманшыл жас қаласы.
Кеше ғана Елбасым арман еткен,
Бақ ордам – бүгін қазақ астанасы.
Елбасым ерен тұлға мақтанымсың,
Деп тіледің еліме бақ дарысын.
Дүниеге таныттың қазақ елін,
Жүректен жыр-шашулар ақтарылсын.
Қазақтың көрікті ел жас қаласы,
Жастардың жасампаз күш – бас қаласы.
Құтты болсын бақ ордам туған күнің,
Жасай бер, Алашымның Астанасы!
Зарипа ТАСЫМОВА
