Ару қалам, асқақ ордам - Астана

Ауданымызда "Ару қалам, асқақ ордам - Астана" атты салтанатты шара өтті. Шарада аудан әкімі С.Мақашов аудан халқын Астананың 20 жылдығы мерейлі мерекесімен құттықтап, жылы лебізін жеткізді. 
Астана күні – жалпы халық болып тойлайтын атаулы мерекеге айналды. Қысқа мерзімде сәулеті мен дәулеті келіскен шаһарымыз әлемдегі әсем қалалардың біріне айналды. Елордамыз – еліміздің жүрегі, Тәуелсіздігіміздің нышаны, халқымыздың мақтанышы. 
Атаулы шарада, Қазақ елінің алғашқы астаналары жайлы тарихи тағылымды бейнероликтер көрсетіліп, аудан өнерпаздары мен жас таланттар өз өнерлерін ортаға салды.
Шара соңы мерекелік от шашумен аяқталды.