Әкеден қалған ақындық мұра

Аудандық орталық кітапханада жергілікті ақын, журналист Әбілахат Жанаділовтің 95 жылдығына орай «Әкеден қалған ақындық мұра» атты кездесу кеші өтті.

Кездесуге ақынның шәкірттері, еңбек ардагері Зал Шаймерденов, ақын Бердәулет Маханов, Мәскеу Ерболатов, аудандық «Қазақ тілі» қоғамының төрайымы Гүлжаухар Раева және ұрпақтары қатысты.

Кештің мақсаты: Ақынның жырларын оқуға насихаттау, өнегелі өмір жолын өскелең ұрпаққа өнеге тұтып, жастардың кітап оқуға құлшынысын, еліне жеріне деген сүйіспеншіліктерін арттыру.

Ақынның баласы Нұрбай әкесі туралы ой қозғаса, көзін көрген кісілер естеліктер айтып, ұрпақтары ақынның өлеңінен үзінділер оқыды. Сонымен қатар ақын жайлы естелік суреттерінен бейнеролик көрсетілді.