«Төл басылым – тоқсанда»
qarmaqshy-tany.kz «Сыр медиа» ЖШС-не қарасты аудандық «Қармақшы таңы» газеті редакциясы Балалар жылына және газеттің 90 жылдығына орай балалар арасында «Төл басылым – тоқсанда» тақырыбымен жазба ақындар мүшәйрасын жариялайды.
БАЙҚАУ ЕРЕЖЕСІ
Байқаудың мақсаты: Балалар шығармашылығына қолдау көрсету;
Газеттің 90 жыл көлемінде, қазірге дейінгі қол жеткен тарихи табыстары мен жетістіктерін оқырманға кең көлемде насихаттау;
Шығармашыл балалардың қаламын ұштау.
Қатысушыларға қойылатын талаптар:
Байқауға 12 мен 16 жас аралығындағы жасөспірімдер қатыса алады.
Туындыға қойылатын талаптар: Төл басылым тарихын тілге тиек ету;
Газеттің маңыздылығына тоқталу;
Тақырыптың өзегін, маңызын ашып көрсету;
Оқырманға әсерлі, тартымды етіп жеткізе білу;
Байқауға ұсынылатын материалдар Microsoft Word түрінде жолданып және өлең көлемі 14 шрифпен жазылуы керек. Көлемі А4 форматында 2 беттен аспау керек; Интернет, әлеуметтік желіден көшірілмеуі керек.
Тағайындалатын сыйлық бойынша: Жеңімпаздарға 4 орын беріледі. Редакция тарапынан бағалы сыйлықтар тағайындалады.
ӨТКІЗУ ТӘРТІБІ Өлеңдер осы жылдың 5 – 15 қараша аралығында karm_tany@mail.ru электронды поштасына қабылданады. Байқау қорытындысы 19 қараша күнгі газет нөмірінде жарияланады.
