«Тәуелсіздік – ел өмірінде» атты эссе жазу байқауы өтпек
«Сыр медиа» ЖШС-не қарасты аудандық «Қармақшы таңы» газеті ел Тәуелсіздігінің 30 жылдығына орай жастар мен жасөспірімдер арасында «Тәуелсіздік – ел өмірінде» тақырыбымен эссе жазу байқауын жариялайды.
БАЙҚАУ ЕРЕЖЕСІ
Байқаудың мақсаты:
Жастар шығармашылығына қолдау көрсету;
ҚР Тәуелсіздігінің 30 жылдығын, қазірге дейінгі қол жеткен тарихи табыстары мен жетістіктерін оқырманға кең көлемде насихаттау;
Шығармашыл жастар өкілдерінің қаламын ұштау.
Қатысушыларға қойылатын талаптар:
Байқауға 14 пен 35 жас аралығындағы жастар мен жасөспірімдер қатыса алады.
Туындыға қойылатын талаптар:
Тәуелсіздіктік жылдарындағы Қармақшы ауданының жетістіктерін негізге алу;
Патриоттық тәрбиені, Отанға, туған жерге деген құрмет пен сүйіспеншілікті паш ету;
Тақырыптың өзегін, маңызын ашып көрсету;
Деректер мен дәйектерге сүйене отырып, өз пікірін білдіру;
Оқырманға әсерлі, тартымды етіп жеткізе білу;
Байқауға ұсынылатын материалдар Microsoft Word түрінде жолданып және эссе көлемі 14 шрифпен жазылуы керек. Көлемі А4 форматында 2 беттен аспау керек;
Интернет, әлеуметтік желіден көшірілмеуі керек.
Тағайындалатын сыйлық бойынша:
"Үздік эссе" жанры бойынша КСРО Журналистер одағының мүшесі, белгілі қаламгер Әзілхан Аманов атындағы сыйлық.
ӨТКІЗУ ТӘРТІБІ
Шығармалар осы жылдың 15 тамыз – 15 қазан аралығында karm_tany@mail.ru электронды поштасына қабылданады.
Байқау қорытындысы Тәуелсіздіктің 30 жылдығы мерекесі қарсаңында жарияланады.
