«Қармақшы аудандық жастар ресурстық орталығы» КММ мен «Қызылорда облысының жастар одақтары» ҚБ біріге ұйымдастыруымен 12 тамыз - Халықаралық жастар күніне арналған «Мен елімнің патриотымын» онлайн шығарма байқауы өтті. Байқауға ауданның 14-29 жастағы жастары жұмылдырылды. Байқау комиссиясы жеңімпаздарды дауыс беру арқылы анықтады. Қорытындыға сай аудандық "Қармақшы таңы" газетінің бөлім меңгерушісі  Айнұр Әли І орынды жеңіп алса, ІІ орынды газет тілшісі Аслан Нұразғали қанжығасына байлады.  Жеңімпаздар дипломдар мен бағалы сыйлықтармен марапатталды.